ยังรอให้เจ้าคืนมา ยังคอยถ่าเจ้าอยู่หม่องเก่า
ฮอยฮักที่มี คำหวานที่เว้า ฮักเฮาบ่เคยจืดจาง
แม้ สิโดนท่อใด๋ หัวใจเฮาสิบ่ร้างรา
ยังจำคำที่เคยสัญญา สิคืนมาหากันใหม่
วันคืนก็ล่วงเลยผ่าน ฤดูกาลก็เวียนเปลี่ยนไป
เป็นหยังแล้วคนที่สัญญาไว้ คือจั่งบ่ได้คืนหา
หรือ ว่าเจ้ามีไผ ดึงรั้งใจเจ้าบ่ให้มา
ฮู้บ่คนที่มันคอยถ่า กินน้ำตาจนช้ำใน
กลับมาเด้อ ยังรอ ฮู้บ่น้อคนทางนี้คิดฮอด
ยังเจ้าอ้อมแขนฮอยกอด เจ้าได้เสมอ
กลับมาเด้อ คนดี คนอยู่ทางนี้ใจสิขาดแล้ว
กะหย่อนฮักเจ้าเบิดแนว เบิดหัวใจ
กะยังฮัก กะยังแพง กะยังคิดฮอดแต่เจ้า
บ่เคยสิลืมเรื่องราวสองเฮาที่เคยได้ฮักผูกพัน
ฮอยกอดเจ้า ฮอยยิ้มเจ้า มันยังตราตรึงในใจ
จักสิเฮ็ดจังใด๋ จักสิอยู่จังใด๋ ขั่นชีวิตน้องบ่มีเจ้า
อ้อมกอดของเจ้าในมื้อนั้น น้องยังจำมาได้เถ่าสุมื้อนี้
ฮักอ้ายหลายเด้อคนดี เบิดชีวิตนี้สิคอยถ่า
กลับมาหากันสาอ้าย กลับมาฮักกันคือเก่า
ฮู้บ่หัวใจน้องปวดร้าว ถ้าบ่มีเจ้าน้องอยู่บ่ได้
กลับมาเด้อ ยังรอ ฮู้บ่น้อคนทางนี้คิดฮอด
ยังเจ้าอ้อมแขนฮอยกอด เจ้าได้เสมอ
กลับมาเด้อ คนดี คนอยู่ทางนี้ใจสิขาดแล้ว
กะหย่อนฮักเจ้าเบิดแนว เบิดหัวใจ
กะหย่อนฮักเจ้าเบิดแนว เบิดหัวใจ